Dialettali 9 dicembre 2014 · lettura 1 min · 1235 letture

+ Segui

Vurria sapè pecché tutt’ ’e vvote ca ’o core s’è annamurato ce steve già n’ata pprimma o aropp’ ’e me. O pecché essa era friccicarella e mmariola o pe n’affetto ca se ncatena ô core . Pe nu mutivo o pe n’ato ll'aggia sempe avuta spàrtere cu n’ata, è ccomm’a n’ombra nziriosa ca trase pe te sfruculià. I’ vurria sapè quanno vene ’o turno mio; mo songo addiventata nziriosa, vularria vulè bbene senza ll’ombra ’e n’at’ammore, senza niscuno ca vene a sfruculià. Sotto â luna ’e Mergellina addó sta nu marenaro ca voca ’a varca e ccanta cu na voce ’e manduline, propio lla te vurria accarezzà e, ccu nu vaso, affatturà. È overo, mo songo malandrina e pettemosa, ma i’ saccio ama’ sulamente accussì.

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Anna Busiello

Sono nata a Napoli e ho conseguito il diploma di magistrale in età adulta Scrivere era il mio sogno ma gli eventi della vita me lo avevano fatto riporre nel cassetto. Nell'ottobre 2009 questo desiderio rompe le barriere attraverso un minuziosa auto analisi, percorro il mio tempo tra fantasia e realtà incomincio