'a festa 'e piedigrotta

“Piedigrotta, tant’anne fa’” Nun pozzo maje scurdà, ‘a litoranea. quanno jèvemo purtanno ‘o cuppulòne. Pe ce ‘nfelà là dinto li cuppiette... facenno, piglià collera ‘e cafune! Calàvemo ‘o cuppulòne sin’ ‘a ‘nterra redevèmo, ’e nu juoco ca era ‘a ‘uèrra! La chiòrma de bardasce nun tremmava, si coccheduno ajemmè se ribellava! Tutt’allummata, de Chiaia la riviera, sfelavano li carre, sunanno pe li vie purtavano alla gente, cchiù alleria! ‘Ncopp’ ‘o palco cantavano ‘e canzone ‘o fuoco ‘a mmare... era n’emozione! Cu tromme, sciosciammocche e raganelle se jeve ‘a piedigrotta festa bella! ‘E mentre ca la folla cchiù cresceva ‘a spica, ‘ncopp’ ‘a vràsa se cuceva! Na palla ‘e segatura cu la molla tuccava arrèto e spalle, li nennelle ca ieveno a truvà nammuratièlle! ‘A fèsta, era chiena ‘e bancarelle addò accattàvano, pe figlie ‘e pazzièlle! Tram affullate, scugnizze allu staffone, se jève a festeggià, Mamma Schiavona! Passavamo, primma ’e tutto p’ ‘a chièsiella, avevamo da’ nu vaso... a’ Madunnella!