Alia, lu me paisi

Chistu è lu paisi unni nasciu Chistu è lu paisi unni vogghiu turnari Chistu è lu paisi c’ happi a llassari E quannu ci pensu mi chianci lu cori. Nun fu pi curpa mia si lu lassaiu La curpa nun fu mancu di me patri E mancu fu curpa di la me famigghia Mi nnappi a ghiri pi nicissità. Sunnu tant’ anni ca sugnu luntanu E tant’ anni ca lu pensu notti e ghiornu Pensu a quannu picciriddu curria pi li strati Li parenti, l’ amici, li festi e li manciati. Lu paisi è nicu ma accoglienti L’ aria è ancora frisca e pura Ed è rimasta incontaminata la natura Cu li so culura, gli odori e li rumura. Quannu d’ invernu si curcatu e chiovi Senti lu scrusciu di l’ acqua sbattiri nta li canali E’ na musica ca ti rilassa e ti fa sunnari Ca sulu la natura sapi sunari. Spissu capitanu iurnati di ventu friddusu Ca ti tagghia la facci dispettusu Sbuffa, grida, t’ acchiappa e fa rumuri Ti disturba ma ti piaci picchi fa parti di lu tenuri. Quannu di notti mentri tuttu taci Zitta, zitta cari la nivi ca cummoghia tutti cosi La matina lu paisi si struvigghia Ammantatu di biancu ca è na meravigghia. Di na cosa sugnu sicuru e cuscenti Ca stu paisi nun lu canciu cu nenti Sugnu orgogliosu e nun mi scantu E dicu a tutti quanti: cca nasciu e mi nni vantu.