Dialettali 20 maggio 2015 · lettura 1 min · 2033 letture

+ Segui

Me so' 'mbriacato 'e Mare e Sole c'â Nnapule se sprecheno comme se spreca Âmmore E Ammore 'o ssaje ca m'ha 'nzallanuto 'e Té facennome scurdà ogne cautela Mò stongo a Te guardà 'a sera ca 'o Sole e 'o Mare s'ammescheno pe' Nnuje dint'all'Orizzonte cu' pprumesse a mille e tanta suonne annascuse Je Te stongo a penzà e Te vulesse vasà Ma 'mmece nun t' 'o ddico Faccio 'o ggiro d' 'e pparole cu' 'na puesia ca dichiar'Âmmore e s'annasconne pure tanto ch'è putente 'stù desiderio 'e Te ca me cunsola e me fà campà pensanno a Tté e a Ttè sola

♥ 0 💬 0

🌐 Pubblicata con licenza Creative Commons: puoi condividerla e ripubblicarla citando l’autore e la fonte.

Ferny Max Curzio