Dialettali 18 giugno 2015 · lettura 2 min · 3266 letture

+ Segui

Io faccio ‘a guerra, ’a guerra a tutta ‘a gente... e nun me ‘mporta niente: io songo nu fetente! Io tengo ‘o sango ‘e spiccio e basta nu capriccio, nu sfriso, na risata, p’arrevutà ‘a nuttata. So’ tuosto, sempe ‘e ponta, e ‘o tengo scritto ‘nfronte: " ‘A guerra è ‘o pane mio!" Cu essa io so’ nu ddio. ’A gente vole ‘a pace... ’A pace nun me piace... Campanno comme a frate, è storia ammullacchiata... è ‘nguenta appiccicosa... ’A pace nunn’è cosa! Vuò mettere na bomma ca fa nu scannatorio e manne ‘e cristiane a mille ‘o priatorio? Vuò mettere nu fummo fetuso e ‘ntussecuso ca schiattarria a miliune stu popolo ‘mpicciuso? ’A guerra enno abbunnanzia... d’a terra enn ‘a valanza! Te legne e te sgravona... ’A guerra è robba bona! ’A pace che te dà? ’A pace che sarrà? Nu giro ‘e fratellanza ch’abboffa sulo ‘a panza... Nu vivere squaquecchia ca te fa sentì viecchio... Nu cuofano ‘e crianza ca scassa tutt ‘e canze... Che sfizio ce pruvate senza tirà mazzate? ’A pace fa sunnà... ’A pace fa sperà... Facenno quacche sforzo, te fa pure campà... ’A guerra invece, oi nì, te fa sulo murì!

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese