Dialettali 28 giugno 2015 · lettura 2 min · 2153 letture

+ Segui

Sta festa nun’è festa... Saie che d’è?... E’ suonno ca se sceta marvasia è notte ca addeventa magaria è pena ca se cerca na patrona è sole ca fa doce sta staggiona... E allora miez’e strate chesta vita t’abbampa tutte ‘e smanie ‘e na città e comme a cchiù putente calamita s’attacca a chisti giglie e vò abballà! E allora ‘nfaccia ‘a ggente ca te stona tu liegge tutt’a voglia ‘e semmenà e quanno a giugno ‘o santo canta e sona ‘o sango torna allero a scampanià! Sta festa nun’è festa... Saie che d’è? E’ freve ca nun piglia medecina è luce ca nun tene lampatina è porta ca s’arape sempe chiena è ammore ca se ‘nchiove e se ‘ncatena... E allora miette ‘o fuoco int’a sti vene ca abbrusciano e nun ponno cchiù stutà e comm‘o santo ‘nterrra se ne vene nu mare ‘e spalle corre p’o cullà! E allora ‘nzerra ‘e figlie int’a sti bracce ca ‘o munno strelliccato sta a guardà e ‘ngrana ‘a quarta e ‘a meglia forza cacce: Paolino e ‘o Paraviso stanno cca!

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese