Scetate ammore mio

So scumparute ‘e stelle ‘nziem’ ‘a luna e sta nuttata nun ma scordo cchiù, prumesse, vase e giuramente è tengo chiuse pe sempre dint’o core. E schiara juorno e sta nascenne ‘o sole, ‘a luce se fa sempe cchiù forte lucente e prufumata, passa nu viento doce e move ‘e fronne, l’aria è fina e ‘o mare p’ a priezza move ll‘onne l’albere...’e sciure... pareno d’oro sott’a stu cielo ‘e fuoco. Scetate ammore mio so scumparute pure ‘e nuvole, ‘o cielo s’è arapute... sapisse comm’addore chest’aria fresca e stu silenzio doce ca porta ‘ncore mille suspire cu ‘na malincunia ca m’encatena ‘ll’anema.