Dialettali 9 luglio 2015 · lettura 1 min · 6947 letture

+ Segui

Sì chella c’ha creduto e ha combattuto Sì chella c’ha sbattuto e c’ha vinciuto Sì chella ca sapenno parpetia’ ha dato a chesta storia ‘a verità. Si chella c’ha ‘mparato a semmena’ Sì chella ca s’è miso a faticà int’o ciardino ‘e chesta terra amara facenno pure ‘e notte ‘a tarantara c’ ‘a smania ‘e chi se sceta in’a stu lietto c’ ‘a freva ‘e chi nun trova cchiù arricietto. Sì chella ca t’arape core e porte Sì chella ca adderezza ‘e cose storte Sì chella ca putenno rascagna’ te ratta chesta bella società. Sì chella ca stancasse pure ‘o cielo sì chella ca scusesse nu vangelo pe’ dint’e strate ‘e chesta umanità facenno tutt’e cose p’accuncià ca forza ‘e chi te sfronna na tempesta ca rraggia ‘e chi c’ ‘a morte face festa. Sì chella ca fa ‘a mamma e fa ‘a mugliera Sì chella ca facesse ‘a puntunera senza paura senza spanteca’ pecché sì chella ca ce sape fa’!

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese