Dialettali 7 ottobre 2015 · lettura 2 min · 1593 letture

+ Segui

Scinniu an’chianu e ‘ncuntraiu ‘n amicu: ci resi a manu; “Turi, u sai chi ti ricu? Su mi fai cumpagnia pi menz’ura, ti pottu cu mmia a ciccari viddura”. Pattemu cuntenti e filici a pigghiari aria vessu na strata di campagna, a cicoria. Arruvannu ca fomu supra a trazzera vistumu, sutta ‘nsuli ri primavera, tra ciuri di milli culuri e iaura adduci, iebba ri ventu, addicula e bavaluci, ‘mpupazzu fattu ri canni e pagghiazzi, ghiantatu ‘nterra pi scantari aciddazzi. Chistu di ‘ntrattu si vutò di scattu, facennu scappari di cussa ‘mpoviru iattu: “a vossia, chi ciccati ‘nmenzu a la natura nta sta paci di l’angeli, fossi viddura?” Cu ‘nsautu di scantu cascamu annarreri: “cu caulu a parratu, Turi, chi c’è ‘nforasteri?!” “A quali, amicu miu, stu pupazzu a statu, nunnu sacciu comu a fattu, ma a parratu...” “Signuri mei, cu vuiautri staiu parrannu, vi vulissi riri, cu rispettu, ca unni e quannu, ccà cicoria nunna truvati e mancu sinapa, prima c’arrivassi u patruni ca lapa, vi cummeni irivinni a muta a muta e pigghiari di gran cussa sa scinnuta”. Scappamu, fuiennu comu du ‘nniavulati, ma no po’ scantu di essiri ‘ncagghiati: picchì ni vinni a tutti rui u trimulizzu virennu e sintennu da speci ri pupazzu.

♥ 0 💬 0

🌐 Pubblicata con licenza Creative Commons: puoi condividerla e ripubblicarla citando l’autore e la fonte.

Salvo Scamporrino

Nato in terra di Sicilia nel 1960, scrivo solo per passione e per comunicare ciò che sento o percepisco. Ogni idea o sentimento che viene esternato in qualsiasi forma va sempre accettato per quello che è. Criticare e giudicare è soltanto un punto di vista. Con questo spirito bisogna leggere e SCRIVERE.