L’ammore (l’amore)
Peppe Cassese
2172 poesie pubblicate
+ Segui
L’ammore è na fenesta sempe aperta
ca sape quanno è doce sta cuperta
ca coce pecché abbruscia notte e juorno
e sazia chesta vita dinto e attuorno.
L’ammore è nu canisto chino ‘e sorde
e ‘a sacca ‘mbuttunata fa ‘o milorde
e pure si ‘e cunzuma a uno a uno
magna s’abboffa schiatta e gghi’é diuno.
L’ammore è na menesta maje scarfata
ca enchie ‘o core e ‘a panza ‘e chi ha sfurnata
ca sona sempe ‘a meglia strummettiata
ca è bbona pure quanno è mazzecata.
L’ammore è nu ‘mprevisto senza avviso
ca quanno pare ‘e fierro ‘o truove stiso
e pure si se mette a sparpetia’
’o sole ‘a luna e ‘e stelle vò ‘nzerra‘.
L’ammore è na tempesta senza pace
ca quanno scioscia ‘o viento è na furnace
ca pe’ ddoje lampe ancora cchiù ‘ntrunata
se sceta alleramente ‘ncarcerata.
L’ammore sarraje tu o sarrà n’ato
è aria ca te lassa senza sciato
è fuoco ca t’appiccia chiocca e core
è vocca ca si fete sape ‘e addore.
©
Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.
L'autore
Peppe Cassese
Commenti (2)
Accedi per lasciare un commento.Accedi
Angela Schembri7 novembre 2015
Una bellissima descrizione dell'amore, sentito e vissuto nei suoi molteplici aspetti: con speranza, con tormento, con sorpresa e in chiusa con molta ardente passione. Versi in vernacolo contornati dal particolare calore ed originalità che sa dare il dialetto napoletano. Plauso!
Marcella Usai12 febbraio 2026
La poesia descrive l’amore attraverso una serie di metafore concrete e popolari: finestra aperta, canestro di soldi, minestra, tempesta, fuoco. L’amore è visto come una forza totale e contraddittoria: nutre e consuma, riscalda e brucia, arricchisce e sconvolge. È un sentimento improvviso e travolgente, capace di riempire la vita ma anche di toglierle il fiato. Il tono è passionale e realistico, e il napoletano rende l’espressione più intensa e autentica. Complimenti