Dialettali 24 giugno 2016 · lettura 2 min · 1410 letture

+ Segui

Trasisti nto palazzu e ti scurdasti di li prumissi di quannu faceutu com’un pazzu pi difenniri i debuli e l’oppressi. T’assittasti n’arreri a ssa scrivania e ti pirdisti a menzu a li carti “ca sta megghiu cu li sordi li mania” t’ansignaru chiddi da torta ca a picca si sparti. E uora m’acchianunu i nervi quannu n’chiazza camini comu nu re e n’arreri a tia na fila ri servi sa fanu i cursa pi paiariti nu café. Ma cu ti senti? Sì nuddu ammiscatu cu nnenti ca arringraziari l’amici e li parenti se uoggi strinci manu a un pugnu ri delinquenti. E mancu provi virivogna pi chiddu ca addivintatu ca nun senti a puzza ri fogna de pezzi i medda ca ti teni o latu. Ma chi ti pari ca ssu titulu ti runa a patenti ri spirtizza? O ti pari ca a mancanza ri scrupulu è na forma di vagghiardizza? C’è sempri qualcunu ca nunn’aspetta e sapi ca, sutta sutta, sì munnizza e allura nto cassonettu prestu ti jetta pi fari a cumuni ricchizza.

♥ 0 💬 1

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Antonio Interlandi

Sono un 48 enne di Siracusa con l'ovvia passione della scrittura. Per me la poesia significa tradurre in parole e ritmo le sensazioni del momento per scaldare il cuore di chi ascolta. Il mio lavoro c'entra poco con l'arte (sono un ufficiale dell'A.M.), ma, quando posso, mi ritaglio un po' di tempo, chiudo gli occhi e s