Donne 22 settembre 2016 · lettura 1 min · 3310 letture

+ Segui

‘E femmene so’ fatte ‘e seta fina ma ogne tanto truove na mappina ca te spetaccia ‘o core e pure ‘a sacca e ‘o piello t’ddeventa na patacca. ‘E femmene so carna fresca e tosta ma ogne tanto ‘a ‘nguacchiano c’a gnosta e ‘a chiocca tutta ‘nfosa e smullecata se mette miez’a strata a fa’ ‘a malata. ‘E femmene so’ porte sempe aperte ma ogne tanto dato ca so’ sperte te fanno gira’ attuorno comme a rota e ‘a vita toia se sbatte e s’arrevota. ‘E femmene so’ cielo mare e terra ma ogne tanto quaccheduna è perra e cu nu vaso ‘e fravola te fotte e ‘o juorno tuoio se sceta ca è già notte. ‘E femmene so’ ‘a mana santa ‘e Dio so’ famme songo ammore e so’ recrio ma ogne tanto amico statte attiento c‘a femmena è ‘o meglio schiattamiento.

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese