’U Pinseru di me Patri

Mi lassasti ca era caruseddu. Divintai ranni, scutannu li stori di la mamma, dù Patri Finanzeri, ca lasso’ stu munnu pi l’amuri di lu misteri. Spissu ‘nu pinseru... Ca miravigghia fussi statu aviri ‘nu Patri a latu. Schirzari, parrari. jucari, natari. ‘U tempu mai passari. Ma ‘sta terra avisti a lassari! Duluri e tristizza ora comu Patri, chiù forti m’accarizza. Ma ‘u tempu, curri comu lu ventu. Resta sulu ‘spittari! ‘Du jornu, avi ‘rrivari, pi turnari lu figghittu ca so’ Patri teni ‘ncoddu strittu.