’U Muraturi

Mancu li santi, ‘stu travagghiu eni troppu pisanti! Liveddu e marteddu li ferri dù misteri. Ma si non teni forza, cancia misteri. Supra lu ponti, a travagghiari... Mamma lu scantu sulu a taliari! Fisicu abbrunzatu, musculu sviluppatu. ’Nto centru binessiri, pari c’avi statu! ’U sapi iddu, lu suli c’avi pigghiatu. Quannu arriva ‘u mumento di pajari a testa cuminza a furriari... Lu cuntu sempri salatu pari. Su travagghiu eni a jurnata, scoppula avi cunzata. Si l’ha ‘ccurdatu, ‘u ficatu già cascò malatu. Pi guai evitari, muraturi non chiamari. Tantu la cosa ca po capitari, ca cu ‘na bedda piscina ti po ritruvari