'U Patreternu

‘Nta ‘sta terra, c’eni cu pensa d’esseri 'nu patreternu e sa sbagghi ti manna a l''nfernu. Di lu rispettu non cunusci lu significatu. Forsi avi lu vucabulariu sbagghiatu? Ma a virità eni ca natura 'nta stu modu l'avi criatu? Tanta genti avi pistatu, 'nta so strada nuddu l'avi firmatu. Chiu facili 'na muntagna spustari, ca so testa canciari. 'U cunusciu da tantu tempu, spissu vuci, sciarri e sgumentu. Lu focu di l'amicizia si stutò lentu, lentu, ora sulu ciniri 'nto pavimentu. Puri si eni nu dementi, sulu negghia 'nta me menti. Ma cu lu tempu a negghia fu 'lluntanata... E 'nta l'azzurru cielu, da lu Suli, 'na frasi vinni disignata: “ ‘St’amicizia, megghiu persa ca truvata”