L’ annu cà passò

Pinsannu a st'annu: Lu peggiu 'nta lu munnu, non avi mai funnu. 'Nto nostru orticeddu, lu sfogghiu e lu beddu. Chiddu furtunatu, lu calindario avi sarvato. Saluti, soddi e amuri, binidittu dù Signuri. Chiddu sfurtunatu, dù travagghiu fu lassatu. e da malatia fu pigghiatu. Cu la cruci avi a purtari, 'u pisu l'avi a scurdari. Si lu niuru, pari rosa, 'u miraculu eni poca cosa. Scurdannu 'u mali ca purtava, 'na jurnata nurmali passava. La suffirenza, ca spissu lu taliava, tanta raggia d''ntra idda cuvava. Mancannu lu malatu, a suffirenza n'avia lassatu, Paria 'nu funirali di Statu! Nuddu lacrima virsò e cu lu sorrisu 'u novu annu brindò