Dialettali 8 gennaio 2017 · lettura 2 min · 1280 letture

C + Segui

Sto cammenanno sulo dint’ o scure: chest’aria fredda nun me fa respirà. Je sto tremmanne forte p’a paure, ma nun me vene ‘a voglia e me fermà. Trovo ‘o curaggio ‘e ntunà nu cante, ca me da ‘a forze ‘e me fa cuntinuà. P’a strada solo ‘a voce mia se sente e chistu canto basta a me calmà. Ma, mentre sto avanzanne pe sta vie, m’accorgo che sta n’ato nzieme a me, ca ‘ntone ‘o stesse cante che canto je, e l’armonia è bella comme a che! Arreto a nuje nce ne stanne tante ate: tutte a cantà ‘a stessa melodia. Nun nce sapimmo ma parimme frate; cantanne nce facimmo cumpagnia. E mò ‘na luce sponta da luntane e ‘a strada nostra porta proprie llà. Cuntralte, basse, tenore e soprane correno nzieme pe se avvicinà ‘A luce po' se fa sempe cchiù forte. ‘Na stella ncielo allumma chesta notte. Attraversammo nzieme chesta porte e nce truvamme tutte dint’a grotte. ‘A luce forte vene a dint’a na stalle, addò ‘nu vuoie e ‘nu ciucce ca arraglie fanno calore a ‘nu ninne belle, appujate ncoppa a ‘nu cuscine e paglie. ‘A mamma e ‘o pate rideno cuntente, mentre ‘o criature, ca pare nu sole, nce guarda cu chill’uocchie luccicante e ‘o cante nuoste dint’all’aria vole. Dint’a sta stalla nce sta sulo ammore: nun c’è bisogno ormai ‘e cerca cchiù. Amme truvate a pace dint’o core, ammo truvate proprio a Te, Gesù!

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Carlo Sommonte

Lavoro nella pubblica amministrazione, ma mi diletto a scrivere poesie da quando ero ragazzo. Il mio genere è dialettale, ma ho scritto anche qualche prosa in lingua. La maggior parte delle mie poesie, a sfondo d'amore, è dedicata alla mia unica e attuale moglie, ma spesso scrivo anche per descrivere momenti importan