Chiagnere

'Ntramènte 'ste frònne carann', 'ntramènte 'o munno arrepusa, ntramènte tutt' s'aman, io stò ccà, assettato ncopp' a stu scalillo veco 'o cielo afflitto e chiagn'. Ma nun si tu, songo sultant''e pass' 'e dduie 'nnamurat'. O core mio chiàgne, chiagne pensann' a te. Stu cielo, 'sti nuvole, 'o chianto mio fa' cchiù nira stà nuttata. A luna ch'e stelle me fanno cumpagnia e quacch' schizzeco d'acqua iènchie 'o sciato mio. Chiòve, nun fa niente, sott' o cielo niro cu' e nuvole e a' nuttata l'anima mia se ne ghiuta. Sì, se ne ghiuta comm'se ne po ghì n'auciello da casa soia. Nun fa niente! 'A luna, 'e stelle, 'a nuttata e 'o chianto mio ll'anno lassat' i'. E' fèrnut' e chiòvere, ma 'o chianto, 'a nuttata, 'a luna, 'e stelle songo rimast' ccà. Sto ccà ncopp' 'a stu scalillo, chiàgno, chiàgno ancora. 'A nuttata se n'è ghiuta e stò ancora ccà pensann' a luna, e stelle 'e sta nuttata.