Natu pi fari lu Puliticanti

Era ancora 'nu picciriddu, lu microfunu avia arreti a iddu. L'autri carusi liggianu li fumetti. Mentri iddu, ogni matina, cu lu Patri, lu jurnali versu li setti, di l'Italia, sapia li pregi e li difetti. 'Nu caruseddu a sett'anni, ca parrava, comu 'nu cristianu ranni. Fu cunsigghieri, 'a sciarra 'u so misteri. Fimmini e muturi, nuddu prublema, ma lu discursu, sempri a tema. Pulitica, so vera amanti, cu idda, 'nta chiazza, pi 'nu comiziu, sempri brillanti. Bedda prisenza, a parrari 'na putenza, ma di 'sta malatia, non sapi stari senza.