Dialettali 19 luglio 2017 · lettura 2 min · 1939 letture

+ Segui

E quanno sta città te va cercanno tu dille ca vulisse turnà cca e ‘o core nun se ferma nu mumento e ‘a smania sbatte forte ‘nfaccia ’o viento. E Napule te cerca e Napule te chiamma pecché guagliò t’è mamma. E’ primma comunione ‘o vaso cchiù accapato ‘a sete ‘a freva ‘a famma e nun te lassa maje e chesto tu già ‘o saje. E quanno chistu sole e chistu mare s’appicciano ‘e culure int’a staggione tu siente tutt’o meglio ‘e na canzone ca dint’a ll’aria te ‘mbriaca e stona. E Napule te cerca e Napule te chiamma pure si ‘e vote è stramma pecché t’è sango e vita furtuna e margarita cielo ca è delegente onna ca porta ‘a croce acqua ca è amara e doce. E quanno scenne ‘a sera int’a sti strate tu siente ca sti vie so’ sore e frate cummare figlie sperze passiuncelle c’a faccia l’uocchie e ‘a vocca ‘e Graziella. E Napule te chiamma e Napule te cerca pure si sì na merca pure si vaje fujenno pure si staje murenno e quanno ‘o sole scenne e ‘a notte fa ‘a patrona Napule è vucculona e dint’a a chesta chiocca priata sona e schiocca.

♥ 2 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese