Dialettali 1 agosto 2017 · lettura 2 min · 1217 letture

L + Segui

I so oci, decisi, i gronda luce, i so brassi, l'è tuta forsa, le ganbe, i'è passa monti, par amicissia i ga i sentéri. I vive de ricordi forti e veri, i magna senpre caminando, par 'l ben de la so tera i se marida e de fioi, come lori, i de vol tanti. Ma coanti èi 'sti montanari che na schéna de prè i vol érghe par la so richessa che i'è le vacche? I'è tuti stessi, i dorme poco, i laora tanto. No' i sérca la pace che ven da Dio, parche i le cata ne i so poderi, i se le cocola 'sta fiola de la storia, ghe ride i oci se te ghe disi: "Come vala?" Mi ghe ne conosso tanti, ognùn l'è fiol de la speransa e se par caso, lori, no' i le cata, i se le 'nventa slargando la casa. Ogni montanaro 'l val trì omeni, mai i pianse su le cose storte, i se spùa su le mane e da soli i'é 'ndrissa. Che bruta saréa la vita sensa de lori!

♥ 0 💬 0

🌐 Pubblicata con licenza Creative Commons: puoi condividerla e ripubblicarla citando l’autore e la fonte.

Luigi Ederle

Sono un poeta modesto. Scrivo per passione, nato a Grezzana di Verona il 06 / 09 / 1945. Premiato una cinquantina di volte. Scrivo in dialetto, in lingua e mi piace molto l'Haiku. Ho scritto un manipolo di commedie in dialetto e una dozzina di testi per canzoni. Ringrazio il sito Scrivere che mi ospita da otto anni. Lu