Dialettali 7 agosto 2017 · lettura 1 min · 5172 letture

L + Segui

"Sù dai tuti che nén a mére ‘l formento", Coesto diséa me mama, i’éra le sincoe de matina, ’l cel l’éra sensa sol. Con la missora ‘n man, alè su par i Doi a piegar la schéna e a bagnar la camisa de sudor. I ani méi no’ i’éra diese, ma de manco de contàa, me sentéa coasi ‘n omo e sognàa la missora granda come coela de me bupà. Taiàmo ‘l formento, stendéimo ciòche e pondìni: se le brusché i’éra na diesina, la fila la se ciamàa: "Ciòca", se ‘nvésse i’éra de manco, alora l’éra: "’N pondin". Coando faséimo le coe, ciòche e pondìni i se strucàa rento ‘n la stròpa frachè dai nostri, mèsi roti, denòci. Ma’l mére l’éra na festa, l’udor del pan ‘l sbociàa come ‘n fior ne le nostre mane... e nessun se lamentàa.

♥ 0 💬 0

🌐 Pubblicata con licenza Creative Commons: puoi condividerla e ripubblicarla citando l’autore e la fonte.

Luigi Ederle

Sono un poeta modesto. Scrivo per passione, nato a Grezzana di Verona il 06 / 09 / 1945. Premiato una cinquantina di volte. Scrivo in dialetto, in lingua e mi piace molto l'Haiku. Ho scritto un manipolo di commedie in dialetto e una dozzina di testi per canzoni. Ringrazio il sito Scrivere che mi ospita da otto anni. Lu