Poesia a titolo inverso VI

Sò drio spetarte impassientemente no ti podarà mai saver quanto te voria quà desso subito in questo istante. Ma xè anca beo provar sta compression potente che forgia paturnie de carbon in un diamante. Xé un sbiadir dorato nea foschia l'imagine che vien in a mente un deo che scorre su un'asola elegante. In un svelto scampar de ombre un viburno de magio e un pruno otobrino ì sbòcia simultaneamente. E no ghe xè dissenso tra autunno e primavera ma un verser de finestre a l'aria crocante un rider provocante un morbìn nel ventre. El lèto xè na ciara polla vestia de fiori freschi doni pusai sora un altar de rocia. Me despogio nèta intatta. Go tanto spetà che rivasse sto rinasser. Ti me trovarà cussì nua sul letto sul petto una rosa. Vestale de un rito antica sposa nea meravegia del me basso Rauco canto