Dialettali 11 agosto 2017 · lettura 2 min · 1541 letture

L + Segui

El ga l'anima calda de le folènde, la tranquilità de l'omo che a la vigna 'n metro de tera 'l ghe destènde e solo le réce de l'arsìmo i'è bone e lu 'l vol, con l'aria sana de i montesèi che ride al sol. El ga 'l profumo pien, che za nel naso l'è bon e a béarlo te par... de 'scoltar la nostra storia... l'è pien de forsa e la te core ne le vene, 'l porta ragi de sol anca de inverno, ma tuto 'l so gusto 'l par che sia na cosa sola: l'amor de l'omo par le so coline péna sora Verona. Coei coatro schéi che ghe gira atorno: i'è le fate che la magia le ghe dona pian pian, e la magia la ghe dà de essare lu stesso mistero... ne le mane de ci le sa far. Tuta la pace de le parole che nasséa su i fogolàri, le te torna a vivere e a colmàrte 'l vivare fin a farte sentir: ti na maravéia granda, con i solìi, con le so storie colme de coel'amor che ogni cosa moe, che te ciàpa e te fa contento. Dio l'à fato 'l pan par darghelo a i so Profeti, i Veronesi i fa 'l mèjo vin: delissia de i popoli. Maridar 'l mejo vin col pan, l'è toca sana par 'l cor, l'è come coe l'amor pì belo del mondo, fiol de Verona, de Romeo e de la Giulieta e coando 'sto vin l'è 'n mèso a la gente, lu 'l bina, l'unisse, lu 'l ten tuti streti, l'è come 'n fior, na rosa, na margherita da sfoiar pian pian, l'è come 'l destin de la vita.

♥ 0 💬 0

🌐 Pubblicata con licenza Creative Commons: puoi condividerla e ripubblicarla citando l’autore e la fonte.

Luigi Ederle

Sono un poeta modesto. Scrivo per passione, nato a Grezzana di Verona il 06 / 09 / 1945. Premiato una cinquantina di volte. Scrivo in dialetto, in lingua e mi piace molto l'Haiku. Ho scritto un manipolo di commedie in dialetto e una dozzina di testi per canzoni. Ringrazio il sito Scrivere che mi ospita da otto anni. Lu