Lu compleannu

Scurrunu li misi, scurrunu li jorna, passatu l’annu lu compleannu ritorna... Pi tradizioni a lu festeggiatu lu benvenutu, e ‘a ranni torta l’ultimu salutu. Pi li carusi, tanti li cristiani invitati, pi li cuntari ci vulissiru urati. Ci sunnu amici veri e genti ca cunisci da ieri. Pi li cristiani ranni,’na sirata chiù tranquilla. Ma fra ‘na manciata, e ‘na buttigghia stappata,’na bedda sirata. Pi cu si lamenta ca si fici ranni, ’nu pinseru a cu ‘na torta ‘na mancia da tant’anni! Spirannu ca lu ciatu, non avi a mancari a cannila di cent’anni, vogghiu stutari.