Poesia 28 settembre 2017 · lettura 1 min · 1493 letture

+ Segui

Na sporta ‘e pacienza e na fune ‘e passione cu te ca sta freva mo’ spiercia ‘o matrone p’ ‘a smania d’ ‘o core ca annuro e ‘mpicciuso s’addorme furmella e se sceta pertuso. Na fune ‘e passione e na sporta ‘e pacienza c’ ‘o sango int’ ‘e vene ca fa ‘a differenza giranno pe strate c’ ‘a faccia pittata pecché pe ‘ntramente se sente scuffata. Pacienza e passione pe’ cogliere ‘e stelle se songo appicciate stracciannese ‘a pelle cu tutt’ ‘o curaggio ‘e nu sole cucente e chesti ddoje perchie mo’ fredde o vullente te spenzano ‘a vita chiarchiosa e capera ca sta miez’a l’ate e nun cerca mugliera. Pacienza e passione so’ sore o so’ frate ‘e truove int’ ‘a chiocca cusute e pittate cuntente e felice ‘e ave’ quatte pate felice e cuntente ‘e sti scelle spezzate.

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese