Fimmina Marturiata

Rosa prufumata da lu Signuri vinni criata. Da "Adamu" comu ‘na Rigina coccolata. Ma cu lu scurriri du tempu, da li libri i storia, pi la fimmina picca gloria. Sulu duluri e turmentu, a lu cumannu du masculu, pu so piacimentu Di la dignità fu privata, calpistata, violentata, a la sorti ‘bbannunata. Di lu mali pietanza prilibata... Nun passa urata, senza chi nun l’avi circata: pi ’na storia d’amuri tramuntata, o pi lu piaciri di lu furbu di jurnata. Di certu è genti malata, chi a lu mali la vita avi didicata. ’Nto carciri a vita va lassata Nudda climenza, nudda pietà, ’nta sta terra pirdunu mai ci sarà.