Dialettali 20 novembre 2007 · lettura 2 min · 6009 letture

+ Segui

~ Napule aggio 'stu quadro 'nnanz' a ll'uocchie mie Veramente è 'na foto 'e mò ca me piace assaje Pare cchiù bella ca si 'a vide naturale pecché è 'nu panorama cu' 'o Vesuvio Castel dell'Ovo e tutta la Marina 'E ccase luntane 'nu puorticciuolo cu' dduje varche * quacche ccasa 'nu poco cchiù vicina ma 'n copp'a ogne ccosa 'a bellezza d' 'o Mare ca è senza parole pecché pare ce se specchiasse propet' 'o splennore de lu stesso Paraviso... Chesta è 'na città chien' 'e voci e culure e cu' llate chiare e scure ma je 'a dinto nce tengo 'o core e nun 'a pozzo lassà M'ha stregato senza rispietto e nisciuna mesura Quanta vote me dà dispiacere m'aggio tené 'a posta pecché nun ne pozzo fa cchiù a mmeno comm' 'a 'na droga o virus ca nun perdona e trase dint' 'e vvene senz'avé 'na cura Chesta città è 'a mia e 'a voglio accussì bbene ca 'ntenno fernì ccà tutt' 'e juorne mieje cu' ll'uocchie chin'ancora d' 'e mmeraviglie suoje e che je 'o ssaccio comm' a 'nu miraculo d' 'o santo Patrono aven' 'a stà ccà pe' dint' 'a 'na città che tene nomme Napule e pe' grazia 'e Ddio Napule sulo e sempe se putarria chiammà... ~ - - - - - - - - - - ~ * "cu' dduje varche" = con due barche ~

♥ 0 💬 3

🌐 Pubblicata con licenza Creative Commons: puoi condividerla e ripubblicarla citando l’autore e la fonte.

Ferny Max Curzio