Dialettali 22 gennaio 2018 · lettura 1 min · 1193 letture

+ Segui

Tieneme stritto, quanno ‘o sole se nne va, quanno ‘a paura me piglia ‘e mane, e ‘a pazzia me fa alluccà. Tieneme stritto... e damme na carezza doce, addò volle l’amarezza, puortame ammore e addore ‘e rose. Falla passà chesta notte ‘e morte, ...’o core sta tremmann‘, e ‘o viento sbatte ‘e porte. Tieneme stritto ca ‘a forza e chi vò bene, mò ca pur ‘o cielo sta chiagnenno...’nsiem a chist’uocchie... ...ca te guardano ‘nfuse d’ammore, mentre m’asstrigne cchiù fort’ e me faje sentì ca nun so sulo. Tieneme stritto, quanno ‘e muòrz’ dinto all’anema so assaje, quanno a stanza è fredda e scura, ...ca si m’asstrigne s’acconcia tutte cose. Tieneme stritto, pure si ancora nun esisti, pure si ancora nun ce staje, tieneme stritto dinto a stu suonno, dinto ‘a fantasia e chist’ommo ca vò essere sulo amato.

♥ 0 💬 1

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

marco vallefuoco