Lu piaciri di sparrari

Cu lu piaciri di ‘na tavula cunzata si sparra di la nustra Italia malata. Si cuminza da lu Guvernu, chi purtò ’stu paisi ‘nta l’ infernu. Da lu cummercianti, ca si lamenta, ma teni ‘nu machinuni russu magenta. Di l’artigianu, da lu cuntu salatu, comu la parcella du megghiu avvucatu. Pi nun parrari di l’impiegatu du statu, chi pi travagghiu nun s’avi mai mazzatu. Di lu cristianu vistutu firmatu, ma cu lu travagghiu avi sempri statu sciarriatu. L’unicu chi vinni risparmiatu fu lu poviru pinsionatu, chi già si campa eni miraculatu. Di virità si parrò, ma cu la petra tirò, ‘nta l’armadiu di lu schelitru si scurdò.