Dialettali 27 febbraio 2018 · lettura 1 min · 1524 letture

L + Segui

Lassù nel cel se spanpàna nebie grise col capel ciaro, e subito le spolvara i fredi e sechi montesèi. Vardando ben ne la corte gira e regira farfaline bianche che le va a coersere tuti i sassi che te fa scapussar. E subito ‘l bacan col còrgo ’l va a la pigna a tor ‘l fen, ’l le porta ne la stala a goernar le so bestie. Chiète chiète le galine le se ‘nfila soto ‘l pòrtego i gali no’ i canta e no’ i monta, i dindiòti no’ fa la carossa, anca i ochi i tase e no’ i core a- drìo a i buteleti per becarli. Le passaréte una a una le riva a la porta de la cusina, ‘ndo, lì ghè senpre tante fregoléte. El silenssio ‘l se fa grando, i pensieri i se mete chieti, se goardo ‘n alto subito sogno e vedo la tera che fa festa e tuto la parécia con la toaja noa.

♥ 0 💬 0

🌐 Pubblicata con licenza Creative Commons: puoi condividerla e ripubblicarla citando l’autore e la fonte.

Luigi Ederle

Sono un poeta modesto. Scrivo per passione, nato a Grezzana di Verona il 06 / 09 / 1945. Premiato una cinquantina di volte. Scrivo in dialetto, in lingua e mi piace molto l'Haiku. Ho scritto un manipolo di commedie in dialetto e una dozzina di testi per canzoni. Ringrazio il sito Scrivere che mi ospita da otto anni. Lu