San Giuseppi e la Santa Famigghia per chi soffri

Un vicchiareddu camina e arranca ccu l’affannu tinennusi ad un vastuni stortu e rinsecchitu, ’ncumpagnia di nu sceccu griggiu ammansitu di la Maronna e lu Bambinedd, ammugghiatu dintra un pannu. Vannu pi na strada sdirrubbata e sannu di essiri ‘na famigghia Santificata picchì l’ancilu apparsu a iddi nta ‘na stanza cci rissi ca ddu Figghiu è misericordia di Diu in abbunnanza. Scappanu da la malvagità di l’omini ‘nfami e brutali ma sannu ca Gesù Cristu, salvezza di la creazioni, vinni pi iddi, pi portarli a la sincera conversioni e alla redenzione da lu ‘nsidiusu e tenebrusu Mali. San Giuseppi, Giusippuzzu, patri putativu di la Salvizza. sapi ca ddu Figghiu è immagini di lu Patri Celestiali e surriri ‘ntà la sofferenza, scansannusi da li corpa di lu Mali picchì la misericordia pi iddu è comu una tenera carizza. Stu vicchiareddu esci silenziosamenti di scena da la vita quannu Gesù compi la sua azioni ntà lu munnu e porta con sè ntà lu celu da lu prufunnu ogni anima fedeli, salva pi la divina misericordia infinita. Ti priu allura, caru patri terreni di lu mè Signuri, aiutacci ad essiri forti e fedeli comu a ttia pi essiri luci ntà la tenebra ‘nsidiusa a camurrìa e sollievu e confortu a cu vivi ‘sta vita ntà lu duluri.