La jeep gialla di me cugnatu

‘Na machina gialla, s’avia cattatu mancu ‘nu jornu avia passatu, chi da li fimmini vinia ‘ssicutatu. Prima nun avianu mancatu, ma ora dû giallu, tanti cori avia ‘nfucatu. Dû poviru telefoninu ‘u riposu l’avia scurdatu Puri di matrimoniu a parrari, ma nuddu lu potti ‘ncastrari. Sulu la notti amava furriari. Puru lu numeru civicu da lu muru da casa fu livatu pirchi la jeep gialla lu riferimentu avia divintatu. Du culuri a vita avia canciatu Da tutti ricircatu, ‘nvidiatu. Puru da li lattuneri fu ringraziatu. Mai fussi statu! Menzu paisi giallu avia divintatu. E cu lu cori nigghiatu, ripigghiò la vita c’avia lassatu.