’Na panchina

Oh, ranni Panchina ’a storia di Capo d’Orlando cu tia camina. Comu ‘nu bravu surdatu lu Paisi spissu à jutatu. Nivi, friddu, ventu, a travagghiari ogni mumentu. ‘Na midagghia avissi miritatu, ma lu rispettu di la genti à guadagnatu. Si sapissi parrari, tanti stori putissi cuntari. Di lu vecchiareddu affaticatu, chi da tia cunfortu avia truvatu... Di la carusedda muvimintata chi pi ‘na giostra t’avia scanciata. Di li tanti ‘nnamurati supra a tia sdraiati: Discursi ‘nfucati, longhi vasati. occhi ‘ncantati, stori recenti o ricordi passati. Da la ragiuni spaziu o sintimentu, puru si di cimentu lu to cori forti sentu.