Dialettali 26 settembre 2018 · lettura 1 min · 1455 letture

+ Segui

Vulesse ave’ cchiù famma e cchiù passione nu quarto ‘e forza propio ‘e nu lione d’a cazzimma na bella ‘ncurdatura ‘o schiattamiento allero ‘e na criatura. Vulesse pute’ sbattere stu core ‘ncopp ’a na via ‘e viento bannitore facenno ‘o ciuccio e ‘o pinto a sta jurnata ca è nata ‘ntussecosa e squinternata. Vulesse ca parlasse zittu zitto bello capace fine e assaje adderitto e m’attappasse ‘a recchia cu nu vaso c’a freva e c’a futezza ‘e nu vastaso. Vulesse ferma’ ‘o tiempo justo n’ora e pe’ ‘ntramente t’a cacciasse afora a guarda’ ‘o sole ‘o mare ‘a luna e ‘e stelle ca ‘e chesta terra songo ‘e manuvelle. E po’ vulesse stregnere sti mmane ca fanno a chesta vita ‘e sacrestane p’accarezza’ stu munno onninamente pecché ie voglio bbene ‘a tutt’a gente.

♥ 0 💬 1

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese