Dialettali 4 dicembre 2018 · lettura 1 min · 1304 letture

+ Segui

Strata e cantunera vulissiru parlari di tuttu chiddru ca si dici pa nova generazioni, giovani senza spiritu cummattenti, gioventù ca nu’ penza e nu’ voli fari nenti. Ma... di tuttu u lignu nu’ si po’ fari u’ fasciu! C’è cu camina cu lumi du sapiri, tanti però... si perdinu pa via pirchì praticanu la mala cumpagnia. Ma ... si taliu u passatu e ci penzu tanticchieddra, a curpa unnè d’ iddri puvureddra, pirchì patri e matri nu’ c’hannu fattu mancari nenti, criscieru li figli filici e cuntenti. Mangiari abbunnatu, robbi firmati, a 18’anni a machineddra pi putissila spassari, lu cchiù scarsu avi u muturinu pi curriri e svulazzari comu u’ signurinu. Svrazzativi li vrazza figli du dumani, nu’ varrinniti e cuminciati a raggiunari, lassati stari a vita facili, pigliati la vita e mittitila nni li vostri mani. Fati tesoru di cunsiglia di l’anziani, di certu truvati la giusta via e ccu suddisfazioni cuntari all’antri la vostra storia.

#Braccio#Famiglia#Padre#Figli#Giovane

♥ 1 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Maria Assunta Maglio

Insegnante di scuola dell'infanzia ho amato,ed amo la mia professione,intesa come missione di vita.Da sempre ho avuto il pallino di scrivere poesia,amo leggere e confrontarmi.Opero come volontaria,presso la Caritas e Centro di Ascolto parrocchiale.La mia indole è : amare il prossimo aiutare il debole e il bisognoso.