’A fiammella d’ ‘o Natale

E mò cà t’aggiu scritt’ ‘o titolo putisse pure cantà cu’ mme stà vita, int’’a na fiammella d’ ‘o Natale chella cà miette ‘ncoppa ‘a tavola ‘a Viggilia miettece pur’ n’affetto pecché se nun ce pienze maje, ce stonghe pur’ ‘io ‘a te guardà. ’E pparole cà ddice, ‘o sientimento na speranza aret’ ‘a strata, chell’ cà luccichea po’ Natale chella vestut’ ‘a festa, int’ ‘a ‘llaria è n’affetto ‘e chistu tiempo nu pasture ‘ncoppe ‘o presepio è a luce d’ ‘o Natale. Ogn’anno arriva sempe me stregne ‘a mano e ddice: puortame dint’ ‘o core songhe vive ‘nzieme ‘a te.