Dialettali 15 agosto 2019 · lettura 1 min · 1246 letture

+ Segui

Puorteme cu te dint’a stu mare ‘e suonno ’ncoppa a chest’onne ‘e nonna c‘o sole ca me cura c’a vita ca se strura. Puorteme cu te ’ncullato a sta fenesta ca s’è cagnata ‘a vesta. Famme senti’ nisciuno famme turna’ quaccuno cu tutta ‘a frennesia ‘e sta passiona mia ca abbruscia e cerca aiuto sapenno comme ha avuto. Puorteme cu te aunito a sta priezza ca sfronna e nun se spezza pecché me sì trasuto pecché t’aggio cugliuto. Puorteme cu te cu tutte ‘e litanie ca ‘nfonnano sti vie. Famme pazzia’ c’o viento famme carma’ stu stiento c ‘o core ca se ‘ngrassa c ‘a chiocca ca se spassa a faccia ‘e chesta gente ca pare tutto e niente. Puorteme cu te addò ca l’acqua stanca addò ca ‘a terra allanca pecché mi ‘a fa’ sape’: so’ schiavo o so’ nu rrè?

♥ 1 💬 1

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese