Dialettali 4 settembre 2019 · lettura 1 min · 1337 letture

+ Segui

Sta varca scumbinata e scatasciata affonna lemme lemme mmiez’o mare senza pute’ affrunta’ meza tempesta mente ca l’ate fanno ancora festa. Sta gente ch’appicciava cielo e munno e te sunava a core ogne canzona c’a freva ‘e chi te sporchia cane e gatte mo s’è ‘nguttata e chiamma ‘a cientoequatto. Sta varca ca signava ‘a rotta a l’ate pecché mastriava sapenno cumanna’ a poco a poco va perdenne sciato e ‘a voce è na vucella arrepecchiata. Sta gente che campava c’o turmiento ’e chi s’arrenne sulo si è stutato comme s’aiza ‘o viento s’accappotta e appriesso appriesso ‘nzerra tutte ‘e porte.

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese