Dialettali 18 settembre 2019 · lettura 2 min · 1174 letture

+ Segui

Songo n’asso so’ campione miezo a vuie so’ nu lione... So’ campione songo n’asso e si perde rompo e scasso... Songo forte so’ fetente e ve magno ‘o core gente! So’ fetente songo forte e si abbusco è meglio ‘a morte. Bigliardino tamburrello ping pong freccetelle biccevolle c’o pallone so’ surtanto ‘o namber- one. Pure allerta dint’o cesso nun me stanco e nun me stresso ma si arriva ‘o scuppulone vaco ampressa in depressione. L’ata sera c’o tennìsso con mio figlio (sì prop’isso) aggio perzo... Che disgrazia! Sant’Antò famme na grazia... Chillu ‘nfame traditore m’ha sperciato ‘a capa e ‘o core. Chillu figlio ‘e nona mamma m’ha scusuto ‘a pietto ‘a famma. Juoche ‘e carte? Sì perdente! Nu tressette? So’ vincente... e perciò voglio ‘o diploma altrimenti vado in coma. L’atu juorno nu criaturo m’ha sfidato e io ve lo giuro cu ddoie mosse aggio stracciato e ho vinciuto l’attestato. Int’a stanza cesti carte ‘nfaccia ‘o muro (chesta è arte) se ne contano a migliare e si ‘e perdo io po’ me sparo. Quanno torna a casa gente faccio ‘a mostra permanente e t’e metto tutte in fila e t’e spieco pillo- pilo. E perciò vuie ca arrivate state attenti e arricurdate ca so’ forte songo ‘o primmo songo ‘o rrè ‘e ogne cazzimma... Songo n’asso so’ campione miezo a vuie so’ nu lione... So’ campione songo n’asso e si perdo nun me spasso!

♥ 1 💬 1

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese