Dialettali 11 marzo 2020 · lettura 1 min · 1835 letture

+ Segui

E dint’a sta miseria umanitaria ‘o cielo cchiù nun dice na parola ‘a ggente nchiude ll’uocchie e se cunzola ‘o munno stuta e appiccia ‘a lummenaria. E ‘nfaccia a stu turmiento scianchinato ‘a terra canta ‘a stessa tiritera ‘o tiempo va cercanno na spallera ‘o viento cagna aria e fa ‘o malato. E appriesso a sta nuvena ‘a fetenzia se mette dint’e core a stencena’ sapenno sulamente sturzella’ ‘a vocca c’abbesogna ‘e na buscia. E tu ca sì na pecora avveluta te siente comme a ll’evera ‘ndusella ca cresce miez’a chesta tarantella e pienze a sta miseria scanusciuta.

♥ 1 💬 1

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese