Dialettali 29 aprile 2020 · lettura 1 min · 3192 letture

+ Segui

Ie tengo na stracquezza dint’ a l’osse ca ‘a capa nun’è bbona a fa’ nu passo e dato c’assumuiglia a nu caifasso ‘e cose janche mo’ te pitta rosse. Ie accocchio na fiacchezza accussì tosta ca l’uocchio nun s’arape e nun te veco e visto ca me pare oi ne’ nu spreco sta mano nun se move e nun s’accosta. Ie avviso na sciurdezza int’a stu pietto ca ‘o core s’è deciso ‘e strascena’ e dato ca vulesse ammaniglia’ s’è stiso spuorco e annuro sotto ‘o lietto. Ie ‘ntenno na strettezza tanta grossa ca ‘a panza se n’è scesa ‘ncopp’o culo e dato ca se penza nu fasulo ‘e vote dint’o scuro ‘e vene ‘a mossa. Ie sento na sfattezza e nu delore ca ‘e vase tuoie putesse fa’ speri’ ma dato ca sì tu ca faje ‘nfessi’ dammille a tutta forza: chesto è ammore!

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese