Dialettali 27 maggio 2020 · lettura 1 min · 1409 letture

+ Segui

Cantame na canzone e fa sunna’ c’a vocca ca s’arape scunzertata e m’arricorda chella scrapestata ca se metteva ‘o core a smulleca’. Cantame na canzone e fa papia’ sta chiocca ca se sente figlia a n’ata c’a museca ca sunagliea appicciata e famme pe’ ‘ntramente ‘ntunaca’ ‘e carte cu sta penna ‘ntruppecosa ca int’a sti mane stanno a ‘nzapuri’ na sciorta ca sta vita me spertosa stu genio ca me piglia pe’ ‘ncani’. Cantame na canzone sì ‘a reggina ca notte e juorno pogne e m’ammappina ‘nzurfanno ca dimane po' ferni’ e nun m’appezzenti’. Che voce che fenesta che manfrone: è senza scuorno e canta pe’ passione!

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese