Dialettali 17 giugno 2020 · lettura 2 min · 1408 letture

+ Segui

Dimane, ancora na vota io torno int’a scola pe nun m’a scurda’. Tutte ‘e ricorde passate passanno p‘o core s’astregnono a me... Songo trasuto criaturo... So’ addeventato quaccuno... e mo’ che so crisciuto a fa? ’O tiempo, schiavo e patrone, guverna ogne cosa che sta attuorno a me. ‘A vita p’a vita me chiamma, me piglia pe mano e continua a gira’. ’E juorne po’ nun se contano gioie cu affanne se ‘mbrogliano: vulesse areto riturna’...! Tre anne ‘e scola ca parlano ‘e me tre anne ‘nzieme cu te. Quanta speranze hanno fatto pitta’ nu foglio ‘e carta e na varca che va. A tutte quante vulesse riala’ suonne e passione ‘e chest’anema ma mente canto nun saccio pecchè, me spezza ‘a voce na lacrema. Tu, professore, amico mio, c’haie signato chesta via cu nu tiempo assaje difficile no... nun te pozzo cchiù scurda’ famme sta n’a ppoco cca: nemmeno loro sta vota te vonno lassa’. Primma e’ affrunta’ sta sagliuta cu tutte ‘e cumpagne me fermo a parla’ domando quante ne songo ca fronne perdute nun stanno cchiù cca... Ma ‘a capa è comme a na vipera areto ‘a cora se mozzeca: vulesse ancora accumincia’...! Tre anne ‘e scola ca parlano ‘e te tre anne ‘nzieme cu me. Quanta paure hanno fatto tremma’ nu banco rutto e na vocca ‘a vasa’. A tutte quante vulesse riala’ cielo e passione ‘e chest’anema ma mente canto mo’ saccio ‘o pecché me spezza ‘a voce na lacrema Tu, professore, amico mio, ca sì stato zinfunia cu stu tiempo assaje difficile no... nun te voglio cchiù scurda’ famme sta na ppoco cca: nemmeno loro sta vota te vonno lassa’.

♥ 0 💬 2

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese