Dialettali 12 agosto 2020 · lettura 1 min · 1254 letture

+ Segui

’O sole ca s’è miso a fa’ ‘o criaturo continua puntualmente a scarpunia’ miezo a stu cielo e ie ca songo annuro attenno ca ‘a fernesce ‘e se ‘mpiccia’. ‘A strata ca vuleva resta’ ‘o scuro se schiara e corre subbeto a mustra’ ‘e passe ca facenno areto ‘o muro ie spenno pe’ cercarte ‘e secuta’. E tu ca sì na luna senza stella cammina dint’o cielo pe’ brilla’ e nun me cunta maje na cosa bella mente stu core torna a se ‘ncarta’. E allora canta e sona ‘a chitarrella sentenno ca ‘o turmiento vò sbaria’ e areto a sta jurnata jacuvella ‘o ddoce serve sulo a me sturba’. ‘A vocca mia s’è fatta putechella int’ a nu piatto atrigno e sta a sfuca’ e ‘a chiocca ca ntramente è lavaturo me dice ca stu mele ‘o vò stagna’.

♥ 2 💬 1

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese