Dialettali 19 agosto 2020 · lettura 1 min · 1375 letture

+ Segui

E si ‘o tiempo è nu pruciesso te condanna e te fa fesso. Spuorco comme a na fattura nun te penza e nun te cura arraggiatto e agliummaruto nun t’o dice ca è fernuto e se mette a fa’ Totò int’o niente ‘e nu ‘ndindò. E si ‘o tiempo è na prumessa troppo aperta tene ‘a sguessa. Tu ce care malamente e te pierde stantemente c’o curaggio ‘e nu streppone ‘ncoppa e dint’o fucarone e cu ll’acqua fa’ nonnò nun sapenno manco addò. E si ‘o tiempo è signurina statte certo ca è mappina. Robba ‘e lusso pere e musso nu fetente ‘e liscebbusso ca t’astregne e nun te vasa ca nun saglie e po’ te scasa frisco e tuosto cu ‘e perciò senza ognere ‘e però. E si ‘o tiempo nun t’abbasta statte certo ca è guagnasta. E’ suspiro ‘nacatenato nu turmiento scianchinato ca se sceta ogne matina ‘ncoppa ‘o friddo ‘e na panchina e te dice cu nu no ca sul’isso sempe po‘.

♥ 0 💬 1

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese