Dialettali 9 settembre 2020 · lettura 1 min · 1239 letture

+ Segui

E stammo tutte quante a fa’ ‘a tuletta ‘a capa perde ‘a chiocca e pure ‘o core nun vò cchiù palpetia’ e fa remmore mettenneso a sbaria’ pe’ na scazzetta. ‘A ggente s’addimmanna e nun capisce ca ‘o ‘nfamo è nu chiattillo ammanecato e nun se ‘mporta e guarda e fa ‘o malato ce sfraveca ce pogne e s’arrecchisce. ‘E cumandante nuoste arrampecate se fanno ‘e contracorne e ‘a munnezzaglia int’a stu tiempo canta sona e raglia e rummanimmo criste e scuncertate. Allora che facimmo?...Ca aspettammo? Ca ‘o chiaveco ce vence e ce spertosa? Madonna mia manella assaje piatosa tu miettete a suna’ ca nuie cantammo. ‘O mmale tene ‘a vocca ‘e na fechella trase p’e case e vasa a uno a uno e mente t’addeventa nu trentuno ‘o munno sfratta schiatta e cagna ‘a pella.

♥ 1 💬 1

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese