Dialettali 23 dicembre 2020 · lettura 1 min · 1086 letture

+ Segui

Era na notte comme Ddio cumanna cu ‘e stelle già ‘ncriccate e sbrigliarelle... ‘O munno ‘nterra tutto appreparato cuntava ll’ore senza ave’ nu sciato... ‘A ggente se perdeva a fa’ nuvelle prianno ‘o Pataterno p’a quaterna ca tutte quante nuie già canuscimmo c’attoppa e vence ogne chiastulella pecché quanno ca nasce ‘o Bammeniello ‘ncoppa a sta paglia dint’a stu pertuso ‘o core se fa ardente e ‘mpustatore e ‘a voce ‘e Dio facenneso recrio te dice resbrennente: “Figliu mio, fatte furnace e dà calore a pace... Fatte fucore e fa abbruscia’ ll’ammore... Fatte speranza senz’ausa’ ‘a valanza... Fatte cchiù doce e fa senti’ sta voce pecché chesta nuttata è chella santa e tu ca abbracce ‘a fede pe’ campa’ fatte curaggio ca ‘o Ninno mo’ sta cca!”

♥ 1 💬 1

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese