Dialettali 26 dicembre 2020 · lettura 1 min · 813 letture

+ Segui

‘A nonna mia teneva sette figlie e Gesù Cristo appiso ‘nacapa ‘o lietto ‘na stanza, nu stipetto cu’ ddoje stiglie e sparlave arete ‘e llastre pe ‘ dispietto. ‘A nonna mia ha cunusciuto ‘a famma ‘a famma overo, senza cielo e terra me raccuntava quent’ é ‘nfama ‘a guerra quanno arragiune cu’ nu core ‘e mamma. Diceva: nepote mio, tienelo ‘a mente, chi ha rusecato ‘a miseria nun se lagna nuje simmo jute annanze ‘a botto ‘e stiente ma addo’ campano nove, pure Ddio magna. M’arricorde ‘e Natale passate dint’’o vascio tutti e parienti attuorno a ‘sta culonna mammà, Maria, pareva ‘na Marronna e san Giuseppe? ‘o nonno masterascio. Chell’aria che addurava ‘e primma neve mo é sulo n’orizzonte abbandunato e tutt’’o bbene ca m’apparteneva chissà ‘o tiempo... addo’ se l’è scurdato.

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Ventola raffaele

Mi diletto a scrivere da sempre , ma solo ultimamente mi é venuta la voglia di esternare le mie emozioni e condividerle .....con voi. Ringrazio la gentile redazione tutti gli autori del sito e tutte le persone che mi leggono!!