Riflessioni 9 aprile 2021 · lettura 1 min · 594 letture

+ Segui

È notte dint’ a stu vicolo scuro scuro, ‘o suonno nun m’accumpagna e ‘o core s’appaura. ‘o silenzio è rre dint’ a sta valle, nu virus coglie ‘a ggente a tradimento, ‘a ret’ ’e spalle. Saglienno chiano chiano p’ ‘a chiazza sulitaria, nu cane allucca e na fenesta s’arape pe piglià nu poco d’aria. Ll’uocchie dint’ a ll’uocchie ‘e chi scenne e ‘i chi saglie, sott’ ‘e portece ce se saluta a stiento, cu ‘e guante e cu ‘o bavaglio. E me veneno â mmente ‘a funtana chiena ‘e ggente, ‘a festa ‘e Castiello, ‘a meveza e ‘i pistune, ‘o ffuoco a Castiello, ‘a festa d’ ‘a Madonna ‘o struscio sott’ ‘e portece fino a ll’una... Comme pareno luntane sti ricorde! ‘A campana d’ ‘o Vescovato sona, ma nisciuno corre chesta vota. Sulitaria me ne torno ô Borgo Scacciaventi, mentre cu n’uocchio ‘ncielo e n’ato a ll’Eolo d’ ‘a bandiera prego e sonno ca sta pestilenza s’ ‘a porta ‘o viento a primmavera.

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Stefania Siani